الوطن سبورت | رمضان صبحي: «رايحين الأولمبياد نعمل حاجة لبلدنا.. ومش هنستقل بنفسنا»





01:10 ص | الخميس 15 يوليو 2021

رمضان صبحي: «رايحين الأولمبياد نعمل حاجة لبلدنا.. ومش هنستقل بنفسنا»

رمضان صبحي

قال رمضان صبحي، لاعب بيراميدز والمنتخب الأولمبي، إن اللاعبين لديهم حماس وشغف كبير لمباريات الأولمبياد، وتركيز على خوض مباريات كبيرة، مع عدم التركيز مع المنتخبات.

وأضاف رمضان صبحي خلال حديثه لقناة أون تايم سبورت: «بقالنا 3 سنين ونص مع جهاز فني على مستوى عالٍ جدا، بشكر جميع اللاعبين لأنهم عملوا حاجة كبيرة جدا، كان نفسنا يكونوا موجودين معانا لكن ملزمين بعدد».

رمضان صبحي: المجموعة صعبة جدا لكن عندنا ثقة في نفسنا

وتابع لاعب بيراميدز: «أظن الحلم بتاع كل الناس، الكل بيتمرن بشكل كويس والمجموعة مش سهلة، عارفين إن الأمور مش سهلة، الأمور مختلفة عن خوض أمم أفريقيا على ملعبنا، فرق توقيت، بنلاعب منتخبات قوية جدا، لكن مركزين عشان عايزين نعمل حاجة لبلدنا ولنفسنا، بنتكلم مع بعض إننا نعمل حاجة كويس، ونطلع كل اللي عندنا، وبنشتغل وبنتعب والنتيجة على ربنا، البداية صعبة جدا حتى لو أي منتخب هتكون صعبة جدا، مركزين نعمل شغلنا، هنعمل حساب ليهم لكن مش هنستقل بنفسنا خالص، وعندنا ثقة كبيرة جدا إننا نعمل حاجة، بنركز في شغلنا جدا».

                 منتخب مصر الأولمبي

فيما قال معتمد جمال، المدرب العام للمنتخب الأولمبي: «سنغادر اليوم، واشتغلنا الفترة الماضية، والجميع عمل كل اللي عليه، نفسنا نعمل حاجة زي ما عملنا في أمم أفريقيا، لكن الموضوع صعب جدا؛ لأن المجموعة صعبة، واخدين البطولة خطوة خطوة، اللي بيتكلم على ميدالية بقوله نعدي الدور الأول وبعد ذلك نتحدث في الميداليات، نتحدث في أول خطوة إننا نتأهل من الدور الأول وبعد ذلك نفكر في كل شيء»، مضيفا: «كابتن شوقي بيتكلم على إن اللاعبية تخلي بالها على نفسها، وبندعي ربنا كل يوم إن اللاعيبة تكون سليمة، الروح كبيرة جدا من أول يوم في المعسكر».


كما تَجْدَرُ الأشارة بأن الموضوع الأصلي قد تم نشرة ومتواجد على الوطن سبورت وقد قام فريق التحرير في مكسبي سبورت بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *